Қырғыздар мен өзбектер жерге дауласып жатыр
Қырғызстан және Өзбекстан шекарашылары қырғыз-өзбек шекарасындағы мәртебесі анықталмаған Унгар тауына өзбек милициясының орналасуынан соң туындаған келіспеушіліктерді талқылады.
Қырғыз шекара қызметінің хабарлауынша, кездесу Аксый ауданындағы Мамай елді-мекенінде өтті. Қырғыз тарапын келіссөздерге Ала-Букин бағыты бойынша шекара өкілі подполковник Бақытбек Жанғазиев бастап барды. Қырғызстан келісілмеген учаскіде Өзбекстан ІІМ қызметкерлерін орналастыру мақсатын түсіндіруін және оларды тез арада алып кетуін талап етті.
Кездесу барысында тараптар қойылған талаптарды тиісті органдар мен құрылымдарға жеткізуге келісті. Қырғыз-өзбек шекарасындағы жағдай бірқалыпты.
Бұған дейін қырғыз шекара қызметі 22 тамызда мәртебесі анықталмаған аумаққа Өзбекстан ІІМ-нің Ми-8 тікұшағымен шамамен 7 қызметкері орналасқанын хабарлаған еді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе