Ұлттық қор трансфертінің басым бөлігі мердігерлер мен мемлекеттік корпорацияларды байытады — сарапшы

Мемлекеттік қаржы жөніндегі сарапшы, «Zertteu Research Institut» ҚҚ құрылтайшысы Шолпан Айтенова қабылданған заңға сәйкес Ұлттық қордан кепілдендірілген трансферттерді белгілі бір мақсатқа бағыттауға болатынымен келіседі. Айтенова нақтылағандай, трансферттер үнемі бөлінеді және министр атап өткен соманы

бір рет емес, үш жыл қатарынан алады

«Осылайша, үкімет экономикалық жағдайға және салық түсімдеріне қарамастан зейнетақы төлеуге кепілдік береді», — дейді ол.

Әйтенова бұған дейін жалпы трансферттер де болды деп толықтырды. Олар бюджеттің кіріс бөлігін толықтырды және белгілі бір мақсаты болмады.

«Зейнетақы төлеуге арналған трансфертті заңнамалық бекіту әлеуметтік міндеттемелерді орындау басымдығын білдіреді», — деп түсіндірді Әйтенова.

Қазір жинақ қоры емес

Өз кезегінде «Эковатт» ЖШС экономисті, қаржы директоры Саян Комбаров бұл ақша қайтадан босқа кетеді деп есептейді. Ол ҚР бюджеті баяғыда тапшы болғанын және оның шығыны Ұлттық қор есебінен жабылатынын атап өтті.

Ел тауарлар импортына экспорттан тапқаннан көп жұмсайды

«Зейнетақы шығыны — міндетті шығын. Бұл төлемдер ағымдағы бағам бойынша шамамен $17 млрд құрайды», — деп мәлімдеді ол.

Ээкономистің айтуыншща, ол сондай-ақ,  қазіргі уақытта шамамен $58,5 млрд-ты болатвын Ұлттық Қордың барлық активінің  30%-ын құрайды.

«Осылайша Ұлттық қор болашақ ұрпаққа қор жинақтау қорынан

теңгерімсіз, тиімсіз және нәтижесіз бюджет шығысын қамтамасыз ету қорына айналды

Олардың көпшілігі шенеуніктердің мүдделеріне қызмет ететін мердігерлер мен мемлекеттік корпорацияларды байытады», —

деп атап өтті Комбаров.

Өкінішке орай, экономист пандемия жағдайында Қазақстанда шикізат кірісі күрт төмендеді дейді.

«Елде бірінші кезектегі шығындарға қызмет көрсететін ішкі кіріс жеткіліксіз. Өткен жылдағы барлық ынталандырушы шығын қосылған құнның жоғары үлесі бар тұрақты және инновациялық өндірістерді құра алмады», — деп түйіндеді Комбаров.