Түрікменстан аш отырса да TikTok-пен күресуде — БАҚ-қа шолу

Марада нан төлқұжатпен сатылады, ал көптеген мемлекеттік дүкендерде ұн, май және жұмыртқа жоқ. Осыған қарамастан кезектер азайған жоқ, деп хабарлайды Азатлык. Күн сайын жүздеген адам кезекте тұрғанымен үйлеріне құр қол қайтады.

Кезек таңертеңгі сағат 4-те басталып, кешке бір-ақ тарайды. Соңғы апталарда елордадағы және облыс орталықтарындағы дүкен сөрелерде тапшы өнімдер кенеттен пайда болып, тез таусылды.

Сонымен қатар, адамдарға өнімдерді тек өздері тіркелген дүкендерден сатып алуға рұқсат етіледі.

– Ол үшін төлқұжатыңызды көрсетуіңіз керек. Осы дүкеннің маңайында тұрғаныңызды растауыңыз керек. Егер басқа жерден болсаңыз, сізге нан сатпайды”, – дейді Мара тұрғыны.

Адамдар мемлекеттік дүкеннің маңайында тұрып, бірақ басқа дүкенге тіркелген болса да, оларға нан сатылмайды.

Көк базарда кезекті полиция күзетеді. Полицейлердің айтуынша, олар ұрыс-керіс пен толқулар болмас үшін кезекте тұрған тәртіпті бақылайды.

Бірақ куәгерлердің айтуынша, қауіпсіздік қызметкерлері дүкен алдында жиналғандарды таратуға тырысады

– Адамдар мұнда төбелесіп, ұрсысуға келмейді. Барлығы балаларына арзан тамақ сатып алуға келеді, – дейді кезекте тұрған сатып алушы.

– Бүгін полиция қызметкерлері адамдарды таратып жіберуге тырысты, бірақ олар полицияға назар аудармай кезекте тұра берді. Полиция қызметкері сауда болмайды деп түсіндіргеніне қарамастан, ешкім кеткен жоқ”, – деді Мараның тағы бір тұрғыны.

Мемлекеттік дүкендер халыққа өнімнің кейбір түрлерін белгіленген бағамен сатады. Өнімнің коммерциялық құны бірнеше есе жоғары. Нан, ұн, өсімдік майы, жұмыртқа және қант ең көп сұраныста. Азық-түлікті босату нормасы сақталуда.

Пайектердің мерзімі өтіп барады, ал азық-түлік жоқ

Кейбір аудандарда халық 2020 жылдың қараша және желтоқсан айларында субсидияланған ұнның айлық рационын әлі ала алмады. Тұрғындардың айтуынша, хякимликке қайта өтініш беру керек, әйтпесе пайектері “күйіп кетеді”.

2020 жылдың қазан айынан бері жергілікті мемлекеттік дүкендерде ұннан бөлек өсімдік майы мен тауық еті сатылмады дейді тұрғындар.

— Кейбір ауылдарда өткен жылғы пайектер үшін де азық-түлік мүлдем берілмеген, – деді ауыл дүкендерінің бірінің сатушысы.

Ал Марый этраптың бірнеше ауылында қыркүйектің пайегі қазанда берілген, содан бері ұн сатылымға шыққан жоқ.

Марыйлықтар Велаят әкімшілігіне шағым жазуға дайын дейді, егер олар бұл мәселені шешпесе, олар Ашхабадқа дейін бармақшы.

3 ақпанда “Түркіменстан шежіресі” басылымы бірнеше мемлекеттік дүкендерде жергілікті тұрғындарға 2020 жылдың қазанынан желтоқсанына дейін азық-түлік пайегі “күйіп кеткенін” хабарлады.

Сондай-ақ, портал елордалық “Текин базарындағы” кейбір азық-түлік өнімдерінің бағасын жазған.

Сонымен, нарықта 1 кг банан 35 манат, 1 кг жоғары сапалы күріш 15 манат тұрады.

– Ешкім сатып алмайтын төмен сапалы күрішті

өсімдік майы немесе тауық еті сияқты басқа өнімдерге жүктеме ретінде сатады,

– деді нарықтық саудагерлердің бірі.

Сонымен қатар, нарықта сатып алушылар айтарлықтай азайған. Саудагерлер мұны халықтың сатып алу қабілетінің төмендігімен түсіндіреді.

Журналистердің айтуынша, сатып алушылар азайғандықтан жүк тасымалдаушылар да сағаттап жұмыссыз тұрады.

Соңғы бірнеше жылда Түрікменстан ауыр экономикалық дағдарысты бастан кешуде. Нарықта бағалар едәуір өсті, ал ұлттық валюта құнсызданып жатыр.

TikTok үшін он күн қамауға алынды

Елдің шығыс аймағындағы мектептерде оқушыларды адамгершілікке тәрбиелеу науқаны басталды. Жиналыстар білім басқармасы, полиция және әйелдер кеңесі өкілдерінің қатысуымен өткізіледі.

Шенеуніктердің пікірінше, әлеуметтік желілер мен шетелдік телебағдарламалар оқушылардың моральдық келбетіне теріс әсер етеді

Жергілікті шенеуніктер жоғары сынып оқушылары арасында жүктіліктің көбеюіне көп көңіл бөледі.

Жиналыстар интернет пен әлеуметтік желілердің, сондай-ақ шетелдік телебағдарламалардың балалардың моральдық мінез-құлқына қалай зиян екенін талқылады.

Оқушылардың әлеуметтік желілерге кіруіне жол бермеу үшін негізгі шаралар ретінде тыйым салу және қорқыту ұсынылады.

– Фараптағы жиналыстардың біріне қатысқан полиция қызметкерлері жоғары сынып оқушыларының ар-намысына тиісіп сөйлеген. Сондай-ақ, оларды TikTok қолданғаны үшін 10 күнге қамауға алынасыңдар деп қорқытқан”, — деп хабарлайды портал өзінің дереккөзіне сілтеме жасап.

Журналистермен сөйлескен оқытушылардың пікірінше, науқанның негізгі мақсаты жоғары сынып оқушылары арасындағы жүктілік жағдайының алдын алу емес,

түрікмен жастары арасында әлеуметтік желілердің танымал болуына жол бермеу

Түрікменстан орта мектептері оқушыларының моральдық бейнесіне арналған жиналыстар бүкіл ел бойынша жүйелі түрде өткізіліп тұрады. Ұйымдастырушылар мұғалімдер мен мектеп оқушыларын “адамгершілікке” шақырады.

Оқушылардың да, оқытушылардың да сыртқы келбетіне көп көңіл бөлінеді. Сондай-ақ, әйелдер мен қыздарға қыс мезгілінде қысқа курткалар, костюмдер мен белдемшелер киюге тыйым салынады. Жалған кірпіктер жалғауға, шашты қысқа етіп қиюға және бояуға тыйым салынады. Кейбір жағдайларда сабақ кезінде темекі шегу мен сағыз шайнау жазасы туралы ескертіледі.​