«Техосмотрдан қалай өткен?». Бір қыздың мәшинесі жолда шашылып қалды (фото)

Сейсенбі, 12 қыркүйек күні Алматыда Toyota Celica автокөлігі жол апатына ұшырады, деп хабарлайды Zakon.kz.

Оқиға Райымбек даңғылында, Қалқаманға қарай бұрылыстың алдында болған. Көлік рөлінде отырған бойжеткен мен оның жолаушысының айтуынша, олар Райымбек даңғылымен шығыс бағытта келе жатқан.

Кенет (шаровыйы шығып кетті ме екен) көлік келе жатқан жерінен солға қарай күрт қисая жөнеліпті. Мәшине жол ортасындағы темір қоршауға соғылды.

Бір дөңгелегі жұлынып кетіп, қоршауға қадалған.

Неше-түрлі «запчастары» жан-жаққа шашылған автокөлік онымен де тоқтамай, ары қарай тағы ондаған метр жерді жүріп өтіп, әрең тоқтапты.

Көлік ішіндегі адамдар дін амен екен, жедел жәрдем дәрігерлерінің көмегінен бас тартты.