Тараздағы балабақша қызметкерінің бүлдіршінді ұрып жатқан сәті камераға түсіп қалған, деп хабарлайды КТК арнасының сайты.
Аяжан есімді қыздың анасы тәрбиелеушіні айыптады, алайда тәрбиеші сәбиіне қол көтергенін мойындамады.
Бейнебақылау камерасынан бала бағушының тәрбиеленушілердің бірін бірнеше рет шапалақпен ұрып, жұлқып жатқаны көрініп тұр.
Мектепке дейінгі мекеме меңгерушісі бала бағушыны жұмыстан қуғанын айтты. Жәбірленушіден кешірім сұрады. Алайда қыздың анасы олай құтыла алмайтынын айтады.
“Қызымды 3-4 рет басына қатты ұрды. Одан кейін қызымның беті көгеріп тұр. Шымшыған ба, тістеген бе, білмеймін. Қызым күнделікті жылайды, мазасызданады. Азанда жылайды. Бұрын тыныш жүретін бала”, – дейді Аяжанның анасы Адина Мырқалықова.