Талдықорған – Текелі тас жолында жолаушылар мінген көлікті алып ағаш басып қалды

21 шілдеде Талдықорған – Текелі тас жолында жолаушылары бар Toyota Camry жеңіл көлігінің үстіне ағаш құлады. Ескелді ауданы әкімдігінің мәліметінше, қатты желдің салдарынан ағаш жол үстіне құлаған.

Ағаш құлаған көліктің ішінде бес адам болған. Зардап шеккендер Ескелді аудандық орталық ауруханасына жеткізілді. Қазір олардың жағдайы тұрақты деп бағаланып отыр.

Кейін құлаған ағаш жолдан түгелдей алынып тасталды. Қазір көлік қозғалысы қалыпты режимде жүзеге асырылып жатыр, жолда жүруге ешқандай кедергі жоқ.