Бұл туралы 31 арнаның «Айта берсін» бағдарламасында айтылды.
«Соңғы екі жылда байқауларға қатысу туралы мүлдем ойлап жүрген жоқпын. Қазір ойым басқа жақта жүр. Бір шетінен әлі жаспын ғой. Неге қатысып көрмеске? Сенімділік қасиеті таланттың кемшін тұстарын жасырады. Мысалы, супер талантты қатысушылар сахнаға шыққан кезде қатты қобалжып, өздерін жоғалтып алып жатады. Сол себепті, кез келген адамға тұрақтылық қасиетін тілеймін.
Көп адам өзіне сенімсіз болғандықтан, байқауларға қатыспайды. Олар кішігірім отырыстарда өлең айтып, содан азын-аулақ ақша алып үйреніп қалған. Бірақ, байқауға қатысып сүрініп, артынша қайта тұрып жүгірген артистер де бар. Олар өздерін үнемі іздеп жүреді. 30-60 жасқа келсе де, шабыттарын жоғалтпайды. Ал маған келетін болсақ, мен өзімді ерекше қызықтырған ұсыныстарды ғана қабылдаймын», – дейді Әлішер Кәрімов.
Дереккөз: stan.kz