Данияның оңтүстік-батысындағы Вайле қаласының соты 42 жастағы Өзбекстан азаматын төрт аптаға дейін қамау туралы шешім шығарды. Мұндай шешім түрік полициясының ұсынған материалдары негізінде қабылданды. Ол Стамбулдың Reina түнгі клубында болған терактіге қатысы бар деп күдіктелінеді.
Адвокат Эрлинг Кристенсеннің сөздерінше, Дания билігі әзірге өзбекстандыққа ешқандай айып тағып отырған жоқ. Оның сөздерінше, күдіктіні Түркияға экстрадициялау жөніндегі шешімді Данияның бас прокуроры қабылдауы мүмкін.
2017 жылдың 1 қаңтарында Reina түнгі клубында болған қарулы шабуылдан 39 адам ұсталып, ондаған адам жараланған. Стамбулда шабуылды ұйымдастырды деген күдікті, Өзбекстан азаматы Абдулқадыр Машарипов ұсталған.
Бұл шабуылды «Ислам мемлекеті» террористік ұйымы жауапкершілігіне алған. Шабуылды орындаушы 34 жастағы Абдулқадыр Машарипов Стамбулда терактіден 16 күн өткеннен кейін ұсталды.