Шымкентте отбасылық жанжалдың соңы адам өліміне әкелді
Шымкентте отбасылық жанжалдан соң туысқандарымен келісе алмаған әйел төртінші қабаттан секіріп, оқиға орнында тіл тартпай кетті.
Бұл туралы Nur.kz хабарлады.
Қайғылы жағдай Республика даңғылындағы № 45 үйде түнгі уақытта орын алды. Қатты дауысты естіген тұрғындар подьезге қарай жүгірген. Әйел адамның денесін көрген олар қатты шошынып қалыпты.
“Мен өзім екінші қабатта тұрамын. Терезеден апат болғандай “гүрс” еткен дауыс естілді. Далаға шығып қарасам, көрші әйел жерде жатыр екен. Дереу 103-ке хабар бердік”, – дейді марқұм болған әйелдің көршісі.
Сондай-ақ, көршілердің сөзінше, қайғылы жағдай болған күні кешкісін марқұм әйелдің отбасында жанжал болған көрінеді.
Алдын-ала болжам бойынша, әйел терезеден өзі секіріп, суицид жасаған.
Полиция қызметкерлері қазір істің ақ-қарасын анықтауда.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе