Шымкентте 6 жасар екі қызды шешінуге көндірген ер адам ұсталды
Шымкентте Ұлттық ұлан сарбаздары педофилді ұстады, деп хабарлайды Ұлттық ұлан баспасөз қызметіне сілтеме жасап Stan.kz.
Жұма күні кешкі сағат 20:45 шамасында Уәлиханов көшесінде жүрген патрульдік топтың басшысы Бекзат Мамановқа әйел адам келіп, түрі еуропалық белгісіз ер адамды тауып беруін өтінген.
Әйелдің сөзінше, 25-30 жас шамасындағы ер адам көпқабатты үйдің подъезінде оның 6 жасар екі қызын шешіндірген.
«Ол қыздарға күш қолданбай, оларды шешінуге көндірген. Мұнан кейін планшетінің камерасы арқылы оларды суретке түсіріп алған», – дейді Ұлттық ұлан баспасөз қызметіндегілер.
Патрульдік топ басшысы ер адам туралы барлық әскери жасаққа хабарлап, оны іздестіре бастаған. Ер адам бір сағаттан кейін көршілес ауладан ұсталды.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз