Сайлаудың әділ өтуіне кепілдік беремін, бұл – менің берік ұстанымым! — Тоқаев

“Қазақстан – демократиялық мемлекет. Президент халықтың таңдауымен сайланады. Мен, Мемлекет басшысы ретінде, сайлаудың таза, ашық әрі әділ өтуіне кепілдік беремін! Бұл – менің берік ұстанымым! Алдымызда зор міндеттер тұр. Мен халқымызға, яғни Сіздерге сенемін. Қадірлі Отандастар! “Алтау ала болса, ауыздағы кетеді, төртеу түгел болса, төбедегі келеді” дейді дана халқымыз. Алдағы сайлауға баршаңызды барынша жауапкершілікпен қарауға шақырамын. Еліміздің келешегі, әр отбасы мен әр азаматтың тағдыры Сіздердің шешімдеріңізге тікелей байланысты!”, – деді Президент.

Айта кетейік, Қасымжомарт Тоқаев 9 маусым күні Қазақстан Республикасы Президентінің кезектен тыс сайлауы өтетінін мәлімдеді.