Михаил Саакашвили өзін Украина азаматтығынан айырғаны үшін сотқа шағымданады. Бұл жөнінде саясаткердің адвокаты Павел Богомазов мәлімдеді.
Киевте бейсенбі күні Михаил Саакашвили жетекшілік ететін “Жаңа күштер қозғалысының” наразылық акциясы өтті. Саясаткерді қолдаушылар президент әкімшілігіне дейін жаяу жүріп өтті.
Саакашвили 2013 жылға дейін Грузия президенті болды. Ол 2015 жылдың мамыр айында Украина төлқұжатын алған. Одесса облысын басқарды. 2016 жылдың қараша айында бұл қызметінен кетті. Отставкаға кетуінің себебін саясаткер ауданда коррупциямен күресу мүмкін емес екенін, себебі оны президент Петр Порошенконың өзі “қолдап отыр” деп түсіндірген.