Петропавл маңындағы саяжайларды су басты
Петропавлдың «Искра» және «Есіл» саяжайларын су басты. Су басқан тұрғындар көмек сұрағанымен, жергілікті билік қол ұшын бермегенін айтады. Мәселен, Елена Ремингайлоның жалғыз баспанасы су астында қалып, қазіргі уақытта үй ішінде су кешіп жүр.
«Қыс бойы үй маңында бөгет тұрғызды. Бізге сенімді түрде су келмейді деді. Енді үйім жарамсыз күйде тұр», – дейді Елена.
Тағы бір тұрғын, зейнеткер Роза Садықова да баспанасының суға кеткеніне налиды.
Ал жергілікті билік өкілдері су тасқынын болдырмау үшін жұмыстар жүргізіліп жатқанын, бірақ «жалғыз баспана» ұғымының заңда жоқ екенін ескертіп, тұрғындарға ресми көмек берілмейтінін мәлімдеді.
Петропавл маңындағы 7,5 мың тұрғыны бар саяжайлар Есіл өзенінің жағасында орналасқан. Құтқарушылар мен әскери күштер су тасқынының жаңа толқынына қарсы шаралар қабылдауда.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе