Павлодар облысында қараусыз жайылған мыңдаған мал иелері жауапқа тартылды
Павлодар облысында қараусыз жайылып жүрген 2352 бас мал анықталып, олардың иелері жауапкершілікке тартылды. Бақылаусыз малдың жол-көлік оқиғаларына себеп болып жатқаны жиі тіркелуде.
Мысалы, Аққулы ауылы маңындағы «Омбы-Майқапшағай» тас жолында Chevrolet Cobalt автокөлігінің жүргізушісі жолға шығып кеткен құлынды қағып кетті. Жол апаты салдарынан жүргізуші жарақат алып, ауруханаға жүгінуге мәжбүр болды.
«Жүргізуші көлік апатына байланысты материалдық шығынды өндіру үшін сотқа жүгіну құқығын сақтап қалады. Сонымен қатар, мамандандырылған тұрақтарға 2352 бас иесіз мал орналастырылды. 127 адам әкімшілік жауапкершілікке тартылды. Облыс аумағында иесіз малдың қатысуымен екі жол-көлік оқиғасы тіркелді», – деді Павлодар облыстық Полиция департаментінің өкілі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе