Өзбекстанда журналистер “Мирзиеевтің бас насихатшысын” сыбайлас жемқорлық жасады деп айыптады – БАҚ шолуы

Ислам Кәрімовтің билігі кезінде Абдухаликов

Гүлнара Кәрімованың іс-шараларының бас ұйымдастырушысы және насихаттаушысы 

ретінде танымал болды.

Қамауға алынғаннан кейін ол ресми түрде одан бас тартып, “Гүлнараның қулықтарын” әшкерелеп берді. Содан кейін қысқа үзілістен кейін ол Шавкат Мирзиеевтің реформаларының басты насихатшысы болды.

Фирдавс Абдухаликовтың өзінен түсініктеме ала алмадық. Бағдарламаға жауапты Өзбекстанның электрондық бұқаралық ақпарат құралдары ұлттық қауымдастығының өкілі Раджаббой Раджабов мәжбүрлеу туралы айыптауларды жоққа шығарды. Ол “жаңа Өзбекстан, жаңа көзқарас” медиа-бағдарламасына қатысу ерікті түрде жүргізілетінін мәлімдеді.

Министрліктер мен банктердің құты қашуда

Әбдіхалықов Президенттің реформаларын насихаттау үшін 2021 жылдың ақпан айында министрлер кабинетінің отырысында үкіметтен үлкен сомада ақша сұрады.

– Оның бастамасын Министрлер Кабинетінің хаттамасына “Қызмет бабында пайдалану үшін” деген белгімен енгізді. Бірақ мұндай сандырақ үшін ақша бөлуге ешкім келіскен жоқ”, – дейді шенеуніктердің бірі.

Хаттама орындалмады. Содан кейін мамыр айында премьер-Министрдің орынбасары Азиз Абдухакимов министрліктердің, комитеттер мен мемлекеттік ұйымдардың орынбасарлары мен баспасөз хатшыларын жинап, олармен жеке кеңес өткізді.

– Сол кездесуде Абдухакимов Абдухаликов қауымдастығының шотына ақша аударуды талап етті. Сонымен бірге олардан бұл ақпаратты жария қылмауды өтінді. Ақша сомасы олардың қаржылық мүмкіндіктеріне байланысты болады. Кейбір министрліктерді 1 млрд сом, коммерциялық банктерді – 2 млрд, кейбір мемлекеттік мекемелерді – 5 млрд сом аударуға міндеттеді. Қазір осы министрліктердің, мемлекеттік мекемелер мен банктердің өкілдері мұндай алымдардан құты қашуда, – деді ақша аударуға міндеттелген мемлекеттік мекеменің өкілі.

Мемлекеттік мекемелердің бірінің шенеунігі хаттың және оған қоса берілген келісімнің көшірмесін ұсынды. Хатқа ЭБАҚҰҚ басқарма төрағасының орынбасары, бас директоры Ж. Сафоев қол қойды.

Онда Сафоев басшылардан медиа-бағдарламаны сатып алу туралы келісімге қол қоюды және қауымдастық шотына ақша аударуға “іс жүзінде көмек көрсетуді” сұрайды.

Мемлекет есебінен Медиа-форумдар

​​Сондай-ақ, ақпарат көздері ЭБАҚҰҚ-мен жасалған келісім аясында ұсынылған қызметтердің тізімін ұсынды.

– Ол қызметтердің тізіміне назар аударсақ –

миллиардтаған мемлекеттік ақшаны Фирдавс Абдухаликов қауымдастығы алады,

ал қызметтерді жеке телеарналар көрсетеді. Мұнда сыбайлас жемқорлықтың ізі бар. Екіншіден, баспасөз бостандығын қолдау деген сылтаумен халықаралық донорлардан ақша алатын мемлекеттік емес қауымдастық, жеке телеарналардың қызметіне тікелей араласады – оларды мемлекеттік үгіт-насихат машинасына айналдырады, – деді министрліктердің бірінің баспасөз қызметкері.

Бұған дейін аталған Раджаббой Раджабов мамыр айында жиналысқа қатысушыларды “Жаңа Өзбекстан, жаңа көзқарас” медиа-бағдарламасымен таныстырғанын растады. Раджабов министрлер кабинетіне арнайы хатпен жүгінгенін, онда осы медиа бағдарламаның көрсетілуіне қолдау көрсетуді және медиа холлды құруға көмектесуді сұрағанын айтты.

​Неліктен мемлекеттік емес қауымдастық орталықтандырылған үкіметті насихаттаумен айналысады деген сұраққа Раджаббой Раджабов бұл жаңа тәжірибе емес деп жауап берді.

– Ал өткен жылдары Үкімет бізге сөз бостандығын қолдауға тапсырыс берді. Жыл сайын біз мемлекеттік қаражат есебінен медиа-форумдар ұйымдастырдық. Демократиялық пікірталастар өткіздік. Мұның бәрі мәжбүрлі түрде жүргізіліп жатыр деген қауесетті бүлікшіл әрі қараңғы адамдар болып табылатын баспасөз хатшылары таратуда”, – деді Раджабов.

Жерді заңсыз сатқан кім?

Оған қоса Өзбекстанда “жер дауы” өршіп тұр. Екі жыл ішінде

әкімшілік басшылары 120 мың гектардан астам жерді өз иеліктеріне иемденген.

Бұл туралы Бас прокурордың орынбасары Шавкатжон Рахимов Ташкентте өткен баспасөз мәслихатында мәлімдеді.

Шенеуніктің айтуынша, екі жыл ішінде прокуратура 7 500-ден астам жер туралы шешімнің күшін жоюға қарсылық білдірген.

– Әкімшілік соттар аудан әкімдерінің жерге қатысты 2500-ден астам шешімін жойды. Жер заңнамасы бойынша 588 адамға қатысты қылмыстық іс қозғалып, тергеу амалдары жүргізілуде, – деді Рахимов.

Маусым айының басында Мирзиеев жерді сату және бөлу жүйесін реформалау туралы жарлыққа қол қойды. Кейбір сарапшылар оны “даулы” деп атады және оның одан сайын

жағдайды қиындатып, жерді ақшаға сататын шенеуніктердің жұмысын жеңілдететінін

атап өтті.