Ресей президенті Владимир Путин америкалық режиссер Оливер Стоунға берген сұхбатында бірінші рет жария түрде немерелері бар екенін айтты (Путиннің бұрынғы әйелі Людмиладан екі қызы бар екені белгілі. Бірақ олардың қалай тұратыны, немен айналысатыны жөнінде айтудан бас тартты).
Ол “немерелеріңізді жақсы көресіз бе” деген сұраққа, олармен ойнауға уақытым жетпейді деп жауап берді.
Путиннің үлкен қызы Мария жөнінде көп ақпарат жоқ. Reuters-тің жазуынша, ол биомедицинамен айналысады, РФ денсаулық сақтау министрлігіндегі эндокринологиялық ғылыми орталықта жұмыс істейді. БАҚ-тың ақпараты бойынша Мария Путина голландық бизнесмен Йоррит Йоост Фаассенге тұрмысқа шыққан. Күйеуі кезінде “Газпромбанк-инвесте”, “Стройтрансгазда” жұмыс істеген.