ҚР Парламент Мәжілісінде “Мемлекеттік тілдің латын графикасындағы әліпбиінің бірыңғай стандартын енгізу мәселелері туралы” тыңдау басталды.
Бұл туралы Zakon.kz хабарлады.
Парламенттік тыңдауда сөйлеген сөзінде Мәжіліс спикері Нұрлан Нығматулин латынға көшудегі түбегейлі мәселелерді атап өтті.
“Мемлекеттік тілдің реформасы мемлекеттік тіл саясатын өзгертуге бағытталмаған. Оны ерекше атап өту қажет. Әліппенің өзгерісі қазақ тіліне қатысты. Латынға өту бірінші кезекте қазақ әліппесін мен орфография ережелерін реформациялауға бағытталған, мұның арқасында тіл фонетикасы мен оның графикасын бекіту мүмкін болады. Осылайша латын қарпін енгізу мемлекеттік тілдің дамуындағы ішкі мәселелерін шешуге арналған”, – деп атап өтті Мәжіліс спикері.
“Мемлекет басшысы латынға өту орыс тілінен, кирилл қарпінен бас тартуды білдірмейді деді ғой. Латын – бірінші кезекте қазақ тіліне қатысты. Орыс тілінде шығып жатқан барлық баспасөз жұмысын жалғастыра береді. Яғни орыс тілді азаматтарға кирилл қарпі қала береді. Орыс тілі мен кирилл қарпіне ұқыпты қазақ тілі сияқты ұқыпты қарауымыз қажет. Орыс тілін білу ұлтымыздың тарихи басымдығы екені анық”, – деді Нығматулин.