Назарбаев тағы бір өмірлік мәртебе алды
Қазақстан Парламенті Мәжілісінің депутаттары Қазақстан Республикасының тұңғыш президенті Нұрсұлтан Назарбаевқа Қауіпсіздік Кеңесін өмір бойы басқаруға құқық беретін «Қазақстан Республикасының Қауіпсіздік Кеңесі туралы» заң жобасын бірінші оқылымда мақұлдады.
Аталған заң жобасына сәйкес, Қауіпсіздік Кеңесі ішкі саяси тұрақтылықты сақтау, конституциялық құрылысты, мемлекеттік тәуелсіздікті, аумақтық тұтастығын қорғау мақсатында ұлттық қауіпсіздік пен қорғаныс қабілетін қамтамасыз ету саласында бірыңғай мемлекеттік саясатты іске асыруды үйлестіретін конституциялық орган болып табылады.
Сонымен,
«Қазақстан Республикасының Тұңғыш Президенті – Елбасы туралы» конституциялық заңға енгізілген өзгертулерге сәйкес тұңғыш президент «өзінің тарихи миссиясына байланысты» Қауіпсіздік Кеңесін өмір бойы басқаруға құқылы.
Айта кетейік, 2017 жылдың желтоқсанында Назарбаев қол қойған түзетулерге өзгерістер енгізілді.
Дереккөз: Sputnik Қазақстан
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе