Алматы облысында бүтін бір ауылдың тұрғындары тайлы-тұяғы қалмай тас жолға жатып алды. Бақтыбай елді-мекенінің халқы базынасын билікке осылай жеткізбек болған.
Өйткені олар ауыл ішімен өтетін жол құрылысына қарсы. Сондықтан наразы жұрт ауыр техниканың алдын бөгеп, жол жасаушыларға кедергі келтірді, – деп хабарлайды КТК арнасы.
“Бас прокурорға, президентке, премьер-министрге өткен жұмада хат жазып, Астанаға дейін барып келдік. Бірақ билік тарапынан, прокуратура тарапынан ешкім жоқ”, – дейді Бақтыбай ауылының тұрғыны Қайрат Нұрханов.