Мынау – “Верхний”. Испан соты Путиннің орыс мафиясына қатысы барын анықтады

Петерборлық авторитет Илья Трабер. © tvrain.ru

Сотталушылар тізімінде Госдума депутаты Владислав Резник, оның әйелі Диана Гиндин және тағы 16 адам — Испания, Германия және Ресей азаматтары бар. Оларға 1996 жылдан бері қылмыстық жолмен ақша заңдастырып келген деген айып тағылуда. Ал қылмыстық топтың басшылары Илья Трабер мен Геннадий Петров әлі де соттан бой тасалап, қашып жүр.

Бұл істі тергеу 11 жылға созылған.

Прокурорлардың дерегінше, “орыс мафиясының” мүшелері “общактың” ақшасын заңдастырып, жалған фирмалардың көмегімен Испаниядан жылжымайтын мүлік сатып алумен айналысқан. Сосын жылжымайтын мүлік өз фирмалары арқылы қымбаттай беретін беретін бағаға бірнеше рет қайта сатылған. Сондағы мақсаты – есірткі контрабандасы, қару-жарақ сатудан тапқан ақшаларын заңдарастыру, дейді прокурорлар.

Геннадий Петров – Тамбовскилердің басшысы. © ultimahora.es

«Тамбовскилердің» басшысы Геннадий Петровтың телефоны тыңдалып, олардың проблемаларын шешуге шенеуніктер мен күштік құрылымдар ғана емес, Путиннің өзі жеке көмектесіп келгені анықталыпты.

Телефондағы әңгімелерде Путиннің аты нақты айтылмайды, бірақ жасырын сөзбен “Верхний” деп жүргендері дәл осы Путин болуы бек мүмкін, деп санайды испаниялық тергеушілер.

tengrinews.kz