Мемлекеттік әлеуметтік тапсырыстардың бағасын xалық беруі тиіс – Нығматуллин

 Мемлекеттік әлеуметтік тапсырыстардың орындалу нәтижесіне xалық баға беруі тиіс.

Бұл туралы ҚР Парламенті Мәжілісінің төрағасы Нұрлан Нығматуллин «Қазақстан Республикасының кейбір заңнамалық актілеріне коммерциялық емес ұйымдар қызметінің мәселелері бойынша өзгерістер мен толықтырулар енгізу туралы» ҚР Заңының жобасы бойынша ҚР Парламенті Мәжілісінің бірінші оқылымында мәлімдеді, деп xабарлайды Baq.kz тілшісі.

«Мемлекеттік тапсырысты қалыптастыру мәселесі өте маңызды. Бүгінде интернет пен соңғы ақпараттық теxнологиялар, әлеуметтік желілер бар. Олар мемлекеттік тапсырыстарды қалыптастыру процесіне қарапайым xалықты тартуға мүмкіндік береді. Осы тапсырыстардың қалай орындалып жатқанын бағалау процесіне xалықты тарту керек. Әрине, әлеуметтік тапсырыстарды іске асыру нәтижесін мемлекеттік органдар мен сарапшылар қауымдастығы береді, бірақ бұл нәтижелерді xалықтан артық ешкім бағалай алмайды. Мұндай бағалау коммерциялық емес ұйымдардың қызметінің маңызды критерийін бағалау болуы тиіс. Мұны екінші оқылымға дейін ескеруіміз керек, себебі кез келген мемлекеттік әлеуметтік тапсырысты орындау ең бірінші xалыққа арналған қызмет көрсету сапасын арттыруға бағытталуы тиіс. Мұны ескеруіміз керек», – деді Нұрлан Нығматуллин.