Мемлекет жұмыс істеуден бас тартқан аз қамтылған азаматтарға әлеуметтік жәрдем бермеуі мүмкін. Бұл туралы КТК хабарлайды.
Жаңа жылдан бастап еңбекке жарамды қазақстандықтар жұмыспен қамту бағдарламасына қатысуы тиіс. Егер олар бас тартатын болса, онда олардың отбасы мемлекет беретін жәрдемақыдан қағылады.
Қазір аз қамтылған отбасыларға берілетін ең төменгі жәрдемақы 6396 теңге. 2018 жылы оның көлемі 2,5 мың теңгеге артады.
Ал мекен-жай бойынша көрсетілетін көмектердің игілігін кәмелетке толмаған балалар, бала қарап отырған аналар мен белгілі себеппен жұмыс істей алмайтын еңбекке жарамды азаматтар көре алады.
Ал кімде кім жұмыс істеуден бас тартса, онда ол адамға жәрдемақы берілмейді.
“Егер отбасында еңбекке жарамды азаматтар бар болса, онда олар жұмыспен қамту бағдарламасына атсалысуы тиіс. Көрсетілетін көмектен бөлек оларды оқытып, жұмысқа тұрғызады. Ал егер қарсы болса, онда мекен-жай бойынша әлеуметтік көмек белгіленбейді,
егерде өз еркімен бағдарламаға қатысудан бас тартса, төлем түбегейлі тоқтатылады”,
– деді министр Тамара Дүйсенова.