Абай атындағы Қазақ Ұлттық педагогикалық университетінде осы оқу орнының студенттерімен кездесу өткізген Меломен тобы Елбасыының “Болашаққа бағдар: Рухани жаңғыру” бағдарламасын қолдайтынын жеткізді.
Топ мүшелері бірауыздан Елбасының ұйытқы болуымен қолға алынған латын әліпбиіне көшу бастамасын әлемдік өркениет көшуіне ілесудің әрі бәсекелетікке қабілетті болудың бір жолы деп атады.
Енді, осындай жаһандану жағдайында Қазақстан Республикасы әлемдегі дамыған мемлекеттердің көшінен қалмау үшін және бүкіл дүниежүзілік ақпарат пен технологияның, білім мен ғылымның кеңістігіне енуі үшін аса қажет латын алфавитін үйрену, меңгеруі және сол алфавитте жазуға көшуге қадам жасауы заман талабынан туындап отыр, – деді бұл ретте топ мүшесі Ролан Қазіретов.
Ал Қайрат Мырзахановтың айтуынша, латын әліпбиін тездетіп қолданысқа енгізуге өнер иелері де өз үлестерін қосуы керек.
– Иә, алфавит ауыстырып, оны үйрену, сауатты жазуды меңгеру, бұрынғы шығармаларды қайта аудару және тағы басқа мәселелер бар. Бірақ біз мұның барлығын еңсерерімізге сенімдімін, – деді осы орайда топ мүшесі.
Артынша топ мүшелері мен шараға жиналған студенттер қауымы өзара пікір алмасып, латын әліпбиі төңірегінде түрлі көзқарастарымен бөлісті.
Жиын соңында “Меломен” тобының мүшелері осынау шараны ұйымдастыруға қолдау көрсеткен Абай атындағы Қазақ Ұлттық педагогикалық университетінің ректоры Такир Балықбаевқа және оқу орнының Тәрбие ісі жөніндегі проректоры Жанатбек Ішпекбаевқа алғыстарын айтты.