Мамандар Сирияда химиялық қарудың қолданылғанын растады

20 сәуiр 2017, 12:34

Биыл 4-сәуірде болған әуе шабуылынан 87 адам қаза тапқан еді. 10 құрбаннан алынған сынамалар төрт зертханада зерттелген. Сынамалар қаза тапқан үш адамнан және жарақат алып, емделіп жүрген жеті адамнан алынған.

Зерттеу нәтижесінде мамандар зарин немесе заринге ұқсас зат қолданылғанын анықтады.

Ұйым өкілдері енді зардап шеккен қалаға барып, зерттеуді жалғастыруға ниетті. Әзірге зардап шеккендерден ғана сынама алып жатыр.

Әуе шабуылынан кейін тұрғындардың тынысы тарылып, тұншыға бастаған. Зардап шеккен тұрғындардың көз қарашығы кішірейіп, ал балалардікі үлкейіп кеткен.

Оппозиция белсенділері бұл шабуылға Сирия үкіметін айыптады. Ал өз кезегінде Дамаск мұны жоққа шығарды. Осы шабуылдан үш күн өткенде америкалықтар Сирияның Хомс провинциясының батысындағы Шейрат аэдромына 59 зымыран жөнелтті. Бұны Дональд Трамп Идлибтегі химиялық шабуылға жауап деп мәлімдеді.