Қытайда Димаштың суреті салынған тауарлар қаптап кетті
Қытай дүкендерінде қазақ әншісі Димаш Құдайбергеновтың суреттері салынған тауарлар қаптап кетіпті, деп хабарлайды «Қазақпарат» агенттігінің Қытайдағы тілшісі Ризабек Нүсіпбекұлы.
Қытайдағы ең үлкен alibaba интернет дүкендерінде Димаштың суреті бейнеленген алқа-моншақтар, білезік, сағат, күнтізбе секілді әр түрлі бұйымдар сатылуда.
Димаш Құдайбергенов киген киім үлгілерінің де сауданың көркін қыздырып тұрғанын байқауға болады.
Димаштың жанкүйерлеріне арнап, әншінің суреті басылған жастықтың неше түрі жасалған.
Еске сала кетсек, Қытайдың танымал «Singer» телешоуына қатысып жатқан отандасымыз байқаудың алғашқы екі кезеңінде жоғары өнер көрсетіп, Аспанасты елін аузына қаратқан болатын. Әншінің қатысуымен өтетін келесі көрсетілім ертең, 4 ақпан күні эфирге шығады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе