ҚР энергетика вице-министрі тағайындалды
Болат Ақшолақов ҚР энергетика вице-министрі болып тағайындалды, – деп хабарлайды Tengrinews.kz тілшісі министрліктің баспасөз қызметіне сілтеме жасап.
Бүгін, 28 қарашада Қазақстан Республикасының Үкіметінің Қаулысымен Болат Оралұлы Ақшолақов Қазақстан Республикасының Энергетика вице-министрі болып тағайындалды. Министрліктің активіне жаңа тағайындалған вице-министрді Қазақстан Республикасының Энергетика министрі Қанат Бозымбаев таныстырды.
1995-1997 жылдары Орталық Азия ынтымақтастық және даму банкінің активтерді басқару бөлімінің маманы, бөлім бастығы, директордың орынбасары қызметін атқарды.
1997-2003 жылдары “Қазақойл” ҰК” ЖАҚ Теңіз жобасы бойынша аға сарапшы, менеджер, департамент директорының орынбасары, Commonwealth & British Services Ltd. бизнес-талдаушысы, стратегиялық жоспарлау жөніндегі менеджері, қаржы директоры ретінде қызмет атқарған. 2003-2006 жылдар аралығында – “ҚазМұнайГаз” ҰК” АҚ БК-да үлесті басқару жөніндегі атқарушы директор. 2006-2008 жылдары Қазақстан Республикасының энергетика және минералды ресурстар вице-министрі болып қызмет атқарды.
2008-2011 жылдары – “Самұрық-Қазына” ҰӘҚ” АҚ басқарушы директоры, “PSA” ЖШС бас директоры, “ҚазМұнайГаз” ҰК” АҚ басқарма төрағасы ретінде еңбек еткен.
2012-2014 жылдары – ҚР мұнай және газ вице-министрі. 2014 жылдың қыркүйек айынан бастап – “AlmexPetrochemical” ЖШС бас директоры қызметін атқарды.
2016 жылдың ақпан айынан бастап “KAZENERGY” Қазақстан мұнай-газ және энергетика кешені ұйымдарының қауымдастығы” заңды тұлғалар бірлестігінің бас директоры қызметінде болды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе