“Қиналатын несі бар?”. Оңтүстіктің әкімі латын қарпіне көшу туралы ойын айтты
Оңтүстік Қазақстан облысының әкімі Жансейіт Түймебаев латын әліпбиіне қатысты ойымен бөлісті.
Бұл туралы әкім Астанадағы орталық коммуникациялар қызметінде өткен баспасөз мәслихаты кезінде мәлім етті деп хабарлады Sputnik Қазақстан.
“Латын әліпбиіне көшу өте маңызды мәселе. Бұл туралы Елбасы өзінің мақаласында жан-жақты жазды. Жалпы, біз латын әліпбиін қолдануды енді бастайын деп отырған жоқпыз, біз оған қайтып оралмақпыз. Өйткені 1929-1940 жылдары біз латын әліпбиін пайдаландық. Түркия да осы кезде латынды енгізе бастады. Бірақ 1940 жылы Сталин кириллицаға көшуді шешті”, — деді Түймебаев.
қазақ тілін латынға көшіруге ешқандай кедергі жоқ.
“Ең бастысы, кез келген әліпбиде тілдің өзіндік дыбыстарын жеткізу маңызды болып табылады. Бұл ретте біздің тәжірибеміз бар, сондықтан ешқандай қиындық болмайды”, — деген пікірде әкім.
Айта кетейік, Президент 2017 жылдың аяғына дейін латынша қазақ әліпбиінің жобасын әзірлеуді ұсынып, үкіметке қазақ тілін латын әліпбиіне көшірудің нақты кестесін жасауды тапсырды. Ал 2018 жылдан бастап жаңа әліпбиді үйрететін мамандарды және орта мектептерге арналған оқулықтарды дайындауға кірісуіміз қажет. Осылайша алдағы 2 жылда ұйымдастыру және әдістемелік жұмыстар жүргізіледі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе