Батыс Қазақстан облысы Ақсай қаласында қаскөйлер бизнесменді өлтіріп кетті.
Бұл кәсіпкерлерге шабуылдайтын қаскөйлердің қолынан қаза тапқан екінші құрбан, – деп хабарлайды “Мой ГОРОД”.
Денсаулық сақтау басқармасының баспасөз хатшысы Айнагүл Сақбосынованың айтуынша, қаскөйлер ер адамды 7-маусымда V-ықшамаудандағы № 10 үйде пышақтап кеткен.
“Оқиға орнына жедел жәрдем шақыртылды, алайда ер адам олар келгенше қайтыс болды. Мәйіт құқық қорғау органдарына берілді”, – деді Айнагүл Сақбосынова.
Ақсайда 2015 жылдың қазанында валюта айырбасымен айналысатын тағы бір ер адам өлтірілген. Бұл істің әлі күнге беті ашылмаған.