Қазақстанда баласына екпе салудан бастартқан ата-аналарға айыппұл салынуы мүмкін
Қазақстан Денсаулық сақтау министрлігі балаға екпе алудан бас тартқандарға айыппұл салуды ұсынды.
Бұл туралы Sputniknews.kz хабарлады.
Министр Елжан Бiртанов Денсаулық кодексіне енгізілуі мүмкін түзетулер туралы айтты.
“Өкінішке қарай, елімізде екпеден бас тартатын жағдайлар кездеседі. Кейбір елдерде мұндай азаматтарға арнайы шара қолданылады. Германияда, мысалы, мұндай балалар мектепке кіргізілмейді. Бізде ондай жоқ. Әрине, сарапшылармен, қоғамдық ұйымдармен бірге талқылаймыз”, — деп жауап берді Біртанов.
Қазақстанда жыл басынан бері кем дегенде бес жүз балаға екпе салынбаған, олардың жартысы діни ұстанымына байланысты бас тартқан.
Бәрінен жеке пікіріне сүйеніп бас тартатындар көп, олардың саны 50 процентке жуық.
Қазақстанда жыл сайын бес миллионға жуық адам инфекциялық ауруларға қарсы егіледі, оның ішінде 1,3 миллион бала бар.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе