“АрселорМиттал Теміртау” компаниясы 31 тамыз күні “Қазақстан” шахтасында газдан уланып қаза тапқан кеншілердің отбасыларына он жылдық еңбекақыларын төлейтін болды.
Бұл туралы ҚазАқпарат хабарлайды.
Мұндай өтемақы түрі ұжымдық еңбек келісімшартында қарастырылған. Бұдан өзге, қаза тапқан азаматтардың туыстарына шипажайлық-медициналық мекемелерге жолдама беріледі. Жұмыс беруші қаза тапқандардың балаларының мамандандырылған орта және жоғары оқу орындарында білім алуын қаржыландыруға міндетті.
Кейін апатта қаза тапқан үш кеншінің аты жөні жария етілді.
1. Ахметжанов Рустам Ренатұлы, 23.03.1983 ж., үйленген, 3 баласы бар.
2. Руденко Валерий Валентинович, 18.05.1980 ж., үйленген, 2 баласы бар.
3. Шебанов Максим Сергеевич, 24.05.1986 ж., үйленген, 1 баласы бар.
“АрселорМиттал Теміртау” АҚ компаниясы басшылығы “Қазақстан” шахтасындағы қайғылы жағдайдың мән-жайын хабарлады.