Қарағандыға кіреберіс автожолдың бойынан әйел адамның мәйіті табылған болатын.
Бұл туралы Baq.kz хабарлады.
Облыстық ішкі істер департаментінің мәліметінше, әйелді көлік қағып кеткен.
Кеше түнде Саран тас жолы мен Сәкен Сейфуллин көшесінің қиылысында жол көлік оқиғасы орын алған.
«17 маусым күні шамамен түнгі 23 сағатта «Volkswagen Polo» автокөлігінің 28 жастағы жүргізушісі жолды жаяу жүргіншілерге арналмаған бөлігінен қиып өтпек болған әйел адамды қағып кеткен.
Жол-көлік оқиғасында әйел адам алған жарақатының салдарынан сол жерде қайтыс болады.
ҚР Қылмыстық Кодексінің 345-бабы, 3-тармағына сәйкес, сотқа дейінгі тергеу басталды»,- дейді Қарағанды облыстық ішкі істер департаментінің баспасөз xатшысы Бақытжан Құдияров.
Қазіргі уақытта полиция қызметкерлері қайтыс болған әйелдің кім екенін анықтап жатыр.
«Жүргізушіге қатысты бұлтартпау шараларына байланысты жұмыстар жүргізілуде. Тиісті сараптама тағайындалды. Тергеу жүріп жатыр», – деді Құдияров.