Күні кеше Қайрат Нұртас пен Жұлдыз Әбдікәрімова басты рөлді сомдаған «Арман/Когда ангелы спят» кинокартинасы үлкен экранға жол тартты. Қайрат пен Жұлдыз бұл жолы фильмді астаналық көрермендермен бірге тамашалады.
Бұл туралы Today.kz басылымы хабарлайды.
Фильм басталмас бұрын Қайрат Нұртас түсірілім барысы туралы сөз етті.
Бұдан өзге, Қайрат актер атанса да, ән айтуды тастамайтынын атап өтті.
Фильм Арман атты бойжеткен мен оның сүйіктісі туралы әңгімелейді. Тойға дайындық барысында 4 бірдей мас еркек Арманды алып қашып, зорлайды. Мұны білген Құрман сүйіктісін құтқармақ болып, келеңсіз жайтқа тап болады. Тіпті, түрмеге түседі. Өз кезегінде зорлаушылар болған жайтты құпияда сақтау үшін Арманға ақша ұсынады. Алайда бойжеткен әділдіктің орнағанын қалайды.
Еске сала кетейік, 9-қазан күні Қайрат Нұртас «Арман/Когда ангелы спят» фильмінің тұсауын кесіп, алғаш рет жары Жұлдызды ел алдына алып шықты.
Мақала VK-дағы “Атамның басы-ай” тобында қызу талқылануда