Қадыров Немцовқа қатысты шыққан үкімді “ақылға қонбайды” деп есептейді
Шешенстан басшысы Рамзан Қадыров Ресейдің оппозициялық саясаткері болған Борис Немцовтың өліміне қатысты үкімді “ақылға қонбайды” деп есептейтінін айтқан. Бұл жөнінде үкіметтің ресми сайтында жазылған.
Қадыров мемлекеттік айыптаушының сотталушының біріне өмір бойы түрме жазасын сұрауын түсінбейтінін айтқан. Шешенстан басшысы Ресейде мұндай қылмыстық іс бойынша өмір бойы бас бостандығынан айырған оқиғаның болмағанын айтады.
Борис Немцов 2015 жылдың 27 ақпанында Кремль жанындағы көпір үстінде атып өлтірілді.
Мәскеудің округтік әскери соты бейсенбіде Шешенстан ішкі істер министрлігі “Север” батальонының бұрынғы сарбазы Заур Дадаевты оппозициялық саясаткер Борис Немцовтің өліміне кінәлі деп айыптап, 20 жылға соттады. Дадаевпен бірге айыпты деп танылған Тамерлан Эскерханов 14 жылға, Анзор Губашев 19, Шадид Губашев 16, Хамзат Бахаев 11 жылға сотталды.
Немцов отбасының адвокаттары оппозиционердің өлімі “толық ашылмады” деп санайды. Олар Немцовтың өліміне Рамзан Қадыровтың тікелей қатысы бар деп есептейді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе