Келер жылы 40-тан астам кинотуынды түсіріледі

27 желтоқсан 2017, 9:48

Мәдениет және спорт министрі орынбасарының айтуынша, туындылардың басым бөлігі комедия жанрына арналады. Министрлік ел тарихына, мәдениет пен дәстүрге, тарихи тұлғалар мен біздің заманымыздың батырларына арналған фильмдер түсіруді жоспарлап отыр.

Статистикаға сүйенсек, жыл сайын шамамен 250-ден астам фильм көрерменге жол тартады.

Осы бағытта 35 өндірістік ұйым жұмыс істейді. 93 кинотеатр мен 247 кинозал бар.

Ақтоты Райымқұлова, ҚР Мәдениет және спорт министрінің орынбасары:

– Жаңа заңның шеңберінде салықтық жағынан жеңілдіктер болады. Сонымен қатар КҚП продукция шетелмен бірігіп жасайтын кинолардың саны артады деп ойлаймыз. Егер олардың саны артса, онда біздің киноөніміміз шетелдерге шығатындай жаңа нарықтарға шығатындай мүмкіншілік туады.