“Кел, бауырым!..”. Қытайдағы мықты спортшы Димашпен құшақтасып суретке түсті

Қытайда «Қазақ жауынгері» деген атпен танымал қазақ боксшысы Елшат Нығматоллаұлы Димаш Құдайбергенмен кездесті.

Бейжіңде түскен қос мықтының суреті «ВКонтаке» әлеуметтік желісіндегі «Қазақстанның кәсіби боксы» тобында жарияланды.

Әлеуметтік желідегі көпшілік  бірі сахнада, бірі рингте елінің намысын қорғап жүрген жырақтағы ұлдарына сүйсініп, ақ тілектерін аямай жаудырып жатыр.

Әлі жеңіліп көрмеген Елшат Нығметолла кәсіпқой рингтегі келесі кездесуін бүгін – 6-қаңтарда Қытайдың Шэньчжэн қаласында өткізбек. Оның қарсыласы индонезиялық Икал Тобида болады.