Интернетті шулатқан видеоның қайда түсірілгені анықталды

Соңғы уақыттары Қазақстан мен Қырғызстандағы әлеуметтік желілерде келіншектің кішкентай баланы сабаған видеосы тарады. Видеодағы әйел пышақ ұстап алған.

Таяуда Қазақстан ІІМ ресми өкілі Алмас Сәдубаев видеодағы әйелдің іздестіріліп жатқанын хабарлаған. Ал Қырғызстанның құқық қорғау органдары жантүршігерлік видеожазбаны тексерген. Kaktus.media қырғыз порталының редакциясы шағын зерттеу жүргізіп, видеоның Қырғызстанда да, Қазақстанда да түсірілмегенін анықтапты. Олардың айтуынша, видео – монтаж емес.

“Жазба биыл 1 мамырда түсірілген, оқиға Перуде болған. Алған жарақатынан бала қайтыс болды. Баланы сабап жатқан әйел оның шешесі. Камераға әкесі түсіріп тұрған”, – деп жазады басылым. Видео перудің Юнгайо қалашығында түсірілен.