Ресейлік автомобильдер мен еуропалық дәрі-дәрмектердің импорты өсті.
Бірінші кезекте бұл кейбір өнеркәсіптік тауарлар. Оларды бір нәрсе біріктіреді — Корея негізгі жеткізуші болып табылады. Мәселен, қараша айында:
Бұл тауарлардың барлығы негізгі импортталатын позициялардың қатарына кіреді. Қарашадағы төмендеуге қарамастан, олар сол позициясын сақтап тұра береді. Сонымен қатар, 2020 жылдың 11 айының қорытындысы бойынша тоңазытқыш және мұздатқыш жабдықтардың импорты 2019 жылдың сәйкес кезеңімен салыстырғанда 7,9 есеге ($1,8 млрд-тан астам), ауа тартатын сорғылардың импорты 2,2 есеге (1,28 млрд-қа дейін) өсті.
Бұл ретте крандардың, клапандардың және басқа да осыған ұқсас өнімдердің импорты 2019 (-0,4%) деңгейінде қалды – олар үшін 756,6 млн доллар төленді.
2020 жылдың қараша айында импортталатын негізгі өнім — компьютерлердің барлық түрі болды. Әкелінген өнімнің жалпы құны — 101,1 млн доллар (қазан айымен салыстырғанда 21,7 млн-ға артық). Өсім Қытайдан жеткізілетін тауарлардың артуымен байланысты — 63,9-дан 85 миллион долларға дейін. Небәрі 11 айдың ішінде республикаға жалпы құны 593 млн доллар болатын 3,95 млн-ға жуық компьютер әкелінді. Бір жыл ішінде есептеу техникасының импорты 53,9%-ға өсті.
Екінші орында — дәрі-дәрмектер. Жеткізілімнің жалпы құны 101 миллион долларды құрады — қазан айындағы деңгейден 13,9 миллионға көп.
Бір ай ішінде Қазақстанға 2 мың 823,7 тонна дәрі келді. Қарашаның басты қорытындысы: Қазақстан еуропалық дәрі-дәрмектерді сатып ала бастады:
Бұл ретте Түркиядан импорт құны 2 млн долларға (2,8 млн дейін), АҚШ – 2,9 млн долларға (1,1 млн дейін), Үндістан – 3,5 млн долларға (8,6 млн) төмендеді.
2020 жылдың қараша айында ең көп импортталатын тауарлардың ішінде үшінші орында жеңіл автомобильдер болды. Бір айдың ішінде республикаға 7 058 бірлік әкелінді.
Мәмілелердің жалпы құны 68,9 млн доллардан 91 млн долларға дейін өсті. Негізінен өсімді Ресей (27,2-ден 45,1 млн-ға дейін) және Жапония (3,1-ден 8,6 млн-ға дейін) қамтамасыз етті.
Қытайдан телефондар жеткізілімі азайды. Жалпы, қараша айының қорытындысы бойынша телефон аппараттарының импорты 87,8 млн долларды құрады – бұл қазан айымен салыстырғанда 35 млн-ға аз. Қытайдан жеткізу көлемі 81,6-дан 59,9 млн-ға дейін төмендеді, Вьетнамнан импорт 21,5-тен 9,3 млн долларға дейін төмендеді.
Киім импорты күрт төмендеді — 72,2-ден 46,6 миллион долларға дейін. Сондай-ақ, Қытайдан (24,6-дан 13,7 миллион долларға дейін) жеткізілімдердің төмендеуі байқалады, оған Түркия (16-дан 9,5 миллионға дейін) және Ресей (13-тен 11,4 миллионға дейін) қосылды.
Дизель отынын жеткізу де төмендеді – қазан айындағы 104,2 мың тоннадан қараша айында 75,2 мың тоннаға дейін. Мәмілелер сомасы 36,1-ден 27,4 млн долларға дейін төмендеді. Отынның жалғыз сатушысы Ресей болды.
Айта кетейік, қараша айында Қазақстан дизель отынын экспорттады – 6,8 млн долларға 20 мың тонна Өзбекстанға кетті, тағы 3,7 мың (1,2 млн) Ресейге оралып, Тәжікстанға кетті.