“Бізді алдады”. Алуа Қонарова мен Ayumi тобы топ әншісі Айдананың тойына неге бармағандарын айтты
Ayumi тобының құрамындағы өзгеріс фанаттардың түсінбестігін туғызды. Топтың бұрынғы мүшесі Айдана Шәріпханова тұрмысқа шығып кеткендіктен, оның орнын Сандуғаш есімді ару басты. Ал бұрынғы әріптестері Айдананы өкінішпен еске алады. Онымен 7 жыл бір топта ән салған қыздар бүгінде оның суретін де көрсеткісі келмейді, деп хабарлайды “Время” басылымы.
“Айдананың тұрмысқа шығатынын наурыз айында білдік. Ол кезде ұжымымызбен Таиландта демалып жатқан болатынбыз. Өзара келісім бойынша, Айдана жоспарланып қойған ауқымды бірнеше шараға қатысуы тиіс еді. Алайда соңғы концертке Атырауға ұшуға 12 сағат қалғанда Айдана бармайтынын ескертіп, хабарлама жазып жіберді”, – дейді топ мүшесі Ақназ.
https://kaz.365info.kz/ayumi-din-zhana-myshesi-tanystyryldy-265951
Қыздардың айтуынша, Айдананы гастролге күйеужігіті жібермей қойыпты.
“Достық мен үшін қымбат. Алайда менің орныма өздеріңді қойып көріңдерші”, – деді. Бірақ неге ол өзін біздің орнымызға қойып көрмеді? Оның бақыты үшін неге біз төлеуіміз керек? Біздің гонорарымызды кесіп тастады, жұмыс кестеміз өзгерді”, – деп жалғады сөзін Ақназ.
Ақназдың айтуынша, Айдана болашақ жарымен небәрі 5 ай кездескен.
“Ал біз 7 жыл бойы бірге болдық, бірге тамақтандық, бірге ұйықтадық, ал енді оған бәрібір бола қалыпты. Жүкті болып, сахнаға шыға алмайтындай жағдайда болса түсінер едім. Бізге ауыр тиді. Сондықтан енді оны еске алғымыз да келмейді”, – деді ол.
Арадағы кикілжіңнің салдарынан RinGo World ұжымы мен топ продюсері Алуа Қонарова Айдананың тойына бармай қойған. Оған себеп Айдананың аяқ астынан кетіп қалуы ғана емес дейді қыздар.
https://kaz.365info.kz/tagy-bir-toj-ayumi-tobynyn-byryngy-anshisi-shanyrakh-koterdi-foto-262995
“Оның тарапынан әртүрлі жағымсыз сөздер мен әңгімелер естідік. Дәл осы себепті онымен жеті жыл бірге жұмыс істеген ұжым толық құрамда оның тойына барған жоқ”, – деп мәлімдеді Ayumi әншісі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе