Бұл туралы Stan.kz хабарлайды.
Продюсер Батырды көрген-білген жандар болса, хабар беруін өтінді. Ал видеода “RinGo” тобының әншісі:
“Мен Батыр Байназаров, 1985 жылы туғанмын. Мен жоғалып кеттім, жақындарымды таппай жүрмін. Мені таныған жандар болса, көмектесіңіздерші”, – дейді.
Бұдан өзге, әнші күн сайын таяқ жейтінін айтып, шағымданды.
Өз кезегінде жанкүйерлер мұның рас-өтірігіне сенер-сенбесін білмей отыр. Олардың бір тобы Батырдың аман-саулығына алаңдаушылық білдірсе, екіншілер видеоның телехикая кадрынан алынғанын алға тартып жатыр.
Айта кетейік, әнші ретінде танылған Батыр соңғы кездері әріптестерінің бейнебаяндары мен отандық телехикаяларда бой көрсетіп жүр.