Долларды 100 теңгеден сатқандарды ұстаған видеожазба пайда болды.
Видеожазба ҚР Мемлекеттік кіріс департаментінің Алматы облысы бойынша басқармасының Instagram-дағы парақшасында жарияланды.
Естеріңізге сала кетсек, 8-қазанда жалған 30 мың АҚШ долларын 3,06 миллион теңгеге сатқан Тәжікістанның екі азаматы мен екі Қазақстан азаматы ұсталған еді.
«Осыған байланысты тұтқындалғандардың жеке басын тінтігенде, олардың бірінен 100 долларлық 7 банкнот табылды. Сонымен қатар, басқа да іс-шаралар жүргізіліп, құны 100 долларлық жалған банкноттың 20 данасы табылды», – деп хабарлайды Алматы облысы бойынша МКД экономикалық тергеу қызметі.