“Димаш пен Витастан кем емес”. Мәди есімді оқушы «Опера №2» әнін орындады (видео)

Әлеуметтік желіні қолданушылар «Опера №2» әнінен үзінді орындаған Мәди атты баланың видеосын көптеп бөлісіп жатыр.

Роликті ztb_video қолданушысы жариялады. Ел іші – өнер кеніші демекші, онда жезқазғандық оқушы бала еш қиналыссыз Витастың, Қытай көрермендерінің көзайымына айналған Димаштың орындауындағы «Опера №2» әнінен үзінді орындайды. Әрине, музыкалық білімін жетілдірсе, ол баладан да мықты әнші шығайын деп тұр.

«Димаш пен Витастан кем емес. Жезқазғандық Мәди», – делінген жазбада. Осы уақытта ролик 189 мың рет қаралып, оған 2 мыңнан астам пікір қалдырылды.

Еске салайық, қазақстандық Димаш Құдайберген Қытайда өтіп жатқан «Singer-2017» байқауының ІІ кезеңінде ресейлік орындаушы Витасты барша әлемге танытқан «Опера №2» әнін орындап, 1-орын иеленді. Әнді Витастың дауысынан 4 модуляциямен екі тон жоғары орындаған Димаштың шеберлігіне көрермендер ғана емес, жобаға қатысушы әншілердің өзі таңданыстарын жасыра алмады.