Заңнамалық тұрғыда орталықтандырудың жаңа моделі бекітіліп, бірқатар нормативтік құжат кеш қабылданған.
Үкімет отырысында еліміздің ҚР Денсаулық сақтау министрі Елжан Біртанов өңірлерге дәрі-дәрмек жеткізудің кешеуілдеу себебін осылай деп түсіндірді деп хабарлады „Хабар-24„ телеарнасы.
Мәселе тек конкурс арқылы сатып алатын дәрі-дәрмектің төңірегінде туындап отыр. Сатып алулар ережесіне өзгерістер енгізілсе, қаңтардың басында барлық дәрі-дәрмек әкелінетін болады.
Елжан Біртанов медициналық препараттар бағасына қатысты қойылған сауалдарға да жауап берді.
Елжан Біртанов, ҚР Денсаулық сақтау министрі:
– Биылғы жылы дәрі-дәрмектің бағаларын реттеу бойынша жаңа нормативтік құжат қабылдадық. Бұл принцип бойынша әр компания елімізге дәрі-дәрмек әкелгенде, зауытың бағасын көрсетеді. Қосымша шығыстарын Қазақстанға әкелу кеден және маркетинг шығыстарын көрсетіп, бағасын бақылауға, реттеуге мүмкіндік ашылады. Бірнеше заң жобасы әзірленіп, бірнеше заң жобасын қабылдадық.