Дельта банкі лицензиясынан айырылып, өз жұмысын тоқтатты
Еліміздің қаржы нарығында тағы бір екінші деңгейдегі банк өз жұмысын тоқтатты.
«Дельта банкі» төлем және аударым операциялары бойынша шарттық міндеттемелерді орындамағаны және үнемі міндетті нормаларды бұзғаны үшін жұмыс істеуге рұқсат беретін мемлекеттік лицензиясынан айыру туралы шешім қабылданды. Бұл туралы ҚР Ұлттық банктің баспасөз қызметі хабарлады.
“Бұл шешім Қазақстан Республикасы «Банктер және банк қызметі туралы» заңының 48-бабындағы екі тармағына негізделіп жасалды. Қазір банкте қаржылық операциялар аяқталып, салымшылар алдындағы міндетін толық атқарып болғанынша уақытша әкімшілік тағайындалды. Банктің жалпы депозиттер сомасы 126 млн теңгені, кепілдік беру қорына тиесілі сома 120 млн теңгені құрайды” делінеді баспасөз хабарламасында.
Саят Жұмабаев, ҚР ҰБ Банктерді қадағалау департаментінің бас сарапшысы:
– Ендігі тарапта Ұлттық банк банкті мәжбүрлеп жабу туралы заңнамада бекітілген тәртіп бойынша сотқа арыз өткізетін болады. Банк Қазақстанның депозиттерге кепілдік беру қоры мүшесі болып табылады. Соған орай жеке тұлғалар депозиттері мемлектпен кепілденген.
Бақыт Қоғылов, Қазақстанның депозиттерге кепілдік беру қорының төрағасы:
– Төлемді өтеу тәртібіне келер болсақ, сот банкті мәжбүрлеп тарату туралы шешім қабылдаған күннен бастап 14 жұмыс күнінің ішінде қор конкурсттық түрде банк-агенті тағайындайтын болады. «Дельта банк» салымшылары сол қорға келіп, өтініш берулеріне болады. Өтініш беріп, құжаттары толық тапсырылған жағдайда банк-агент 5 жұмыс күні ішінде салымшыларға ақшасын өтеп береді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе