БҰҰ ҚК солтүстіккорейлік баллистикалық зымыранның сынақтан өткізілуін сынға алды
БҰҰ Қауіпсіздік Кеңесі (ҚК) КХДР-дың алты қарарады бұза отырып, баллистикалық зымыранды сынақтан өткізуін сынға алды, деп хабарлайды «РИА Новости» агенттігіне сілтеме жасаған ҚазАқпарат.
«Бұл ұшырылымдар КХДР-дың Қауіпсіздік Кеңесінің 1718, 1874, 2087, 2094, 2270, 2321 қарарлары бойынша халықаралық міндеттемелерді қатаң бұзуы болып табылады», – делінген ҚК мақұлданған мәлімдемеде.
«ҚК мүшелері КХДР халқы үлкен мұқтаждықта болып отырған қазіргі жағдайда ел билігі ресурстарды баллистикалық зымырандарға жұмсап отырғанына өкініш білдірді», – делінген құжатта.
Айта кетейік, 12 ақпан күні КХДР әрекет ету радиусы орташа “Пуккыксон-2” (“Темірқазық-2”) баллистикалық ракетасын сынады. Рёнхап агенттігінің хабарлауынша, «жер-жер» санатындағы аталмыш стратегиялық зымыран сынақтан сәтті өтті.
Бұдан кейін АҚШ, Жапония және Оңтүстік Корея КХДР-дың ракета ұшыруына байланысты БҰҰ Қауіпсіздік Кеңесінің шұғыл отырысын шақыруды талап етті. Сәл кейінірек БҰҰ Қауіпсіздік Кеңесі бұл мәселені 13 ақпанда жабық есік жағдайында талқылайтынын мәлім етті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе