16-тамызда Қазақстанның басым аймақтарында күн ашық болады, тек республикамыздың оңтүстік, оңтүстік-шығыс және шығысында жаңбыр жауып, найзағай жарқылдайды, бұршақ, дауыл болуы мүмкін.
Қазгидрометтің хабарлауынша, еліміздің солтүстік және орталық өңірлерінің кей жерлерінде күн салқындап, тұман түседі.
Оңтүстік Қазақстан, Жамбыл облысының кей жерлерінде жел тұрып, бұршақ жауып, дауыл болуы мүмкін.
Түнде және таңертең Солтүстік Қазақстан, Павлодар, Қарағанды облыстарының кей жерлерінде тұман күтіледі.
Алматы, Кызылорда, Оңтүстік Қазақстан, Батыс Қазақстан, Атырау облыстарының басым бөлігінде, Жамбыл, Ақтөбе, Шығыс Қазақстан облыстарының кей жерлерінде өте жоғары өрт қаупі сақталады. Маңғыстау, Батыс Қазақстан облыстарының кей жерлерінде аптап ыстық болады.