Бір әулеттегі үш адамның өмірін жалмаған жол апатына қатысты сот отырысы басталды
Меркі ауданында болған қайғылы оқиғаға кінәлі ретінде жергілікті тұрғын Нұрболат Шолпанқұлов жауапқа тартылып жатыр, – деп хабарлайды КТК арнасы.
Бұл сот ісінің дау-дамайы көп болатын тәрізді. Өйткені алғашқы отырыстың өзінде жәбірленушілер мен кінәлі тараптың жақындары бір-бірлерімен жиі шекісіп, судьядан ескерту алып жатты. Ал, Нұрболат Шолпанқұлов өзіне тағылған айыпты толық мойындап отыр. Ол марқұмдардың жақындарынан қайта-қайта кешірім сұраумен болды.
“Ол менің шаңырағымды ортасына түсірді. Мұндай адамдар бостандықта жүрмеуі тиіс. Түрмеде ұзақ отырса ғана түзеледі деп ойлаймын. Ең кемі 17-18 жыл беру керек. Егер сот әділ шешім шығармаса, онда Жоғарғы сотқа шағым түсіремін. Ол мені жалғыз қалдырды”, – дейді Андас батыр ауылының тұрғыны Ағапаша Амрулаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе