Алматыда мемлекеттік кіріс департаментінің қызметкерлері баспанасын жалға беріп, салық төлемейтін тұрғындарды «қылқындыруға» кірісті.
«Заңсыз квартирант ұстайтындарды сот арқылы пәтерінен айырамыз», деп қатайып отыр олар.
Бұл туралы КТК арнасының сюжетінде айталады.
“Мемлекеттік кіріс департаменті, жергілікті полиция қызметі, жергілікті басқару комитеті мен КСК – бәріміз жабылып тәртіп орнатамыз. Заңсыз квартирант ұстайтындар туралы деректер көптеп келіп жатыр“,
— дейді қабағын түйіп алған Алматының Медеу аудандық мемлекеттік кіріс департаменті бастығының орынбасары Қуаныш Түменбаев.
Енді Алматыда квартиранттар тұратын үйлер мен пәтерлерге арнайы рейдтер жасалады. Үйін жалға берушілер салық төлеуші ретінде тіркелмейінше, маза бермейтін түрі бар.