Баян Есентаеваға қатты ұқсас қыздың кім екені белгілі болды (фото)
Кеше ғана желіде Баян Есентаеваға ұқсас қыздың табылғанын және оған іздеу салынғанын хабарлағанбыз.
Бүгін сол «екінші Баян» табылды! Жезқазған қаласыңда тұрып жатқан 29 жастағы сүйкімді қыздың есімі Ақбота Жабағинова болып шықты. Екінші Баян Есентаева Caravan.kz тілшісіне сұхбат берді:
– Мен визажист болып жұмыс істеймін. Жезқазған қаласында тұрып жатырмын.
– Өзіңіздің Баян Мақсатқызына ұқсастығыңыз туралы қашан білдіңіз?
– Шыны керек, мен мұндай салыстыруға үйреніп қалдым. Инстаграм достарым ,таныстарым сол кісіге ұқсастығым туралы әрдайым жазып отыратын.
Ақботаның Instagram парақшасы– Сол танымал болып кеткен фотосуретіңіз 2 тамызда Инстаграмдағы парақшаңызға салынған екен. Осы 2 апта ішінде Сізде өзіңіздің осындай деңгейде танымал болатыныңыз туралы ой болды ма?
– Иә, мен сол суреттен кейін лайк пен комментарийлардың көбейгенін байқадым. Маған тіпті бөгде адамдар парақшама қосылып, “Баяннан аумайcыз” деп жаза бастады. Бірақ БАҚ көлемінде атым шығады деген ой болған жоқ.
“Маған тіпті бөгде адамдар парақшама қосылып, “Баяннан аумайcыз” деп жаза бастады. Бірақ БАҚ көлемінде атым шығады деген ой болған жоқ”.
– Онда Сізге мынадай сұрақ. Сізді «екінші Баян Есентаева» деп қай уақыттан бері атай бастады?
– Мектептегі кезімнен бастап салыстыра бастады. Тіпті Баян Мақсатқызының әлі бүгінгі күнгідей аты шықпаған кезде, «Махаббат бекеті» фильміндегі (1993 жылы шыққан – caravan.kz) басты рөлді сомдаған аты белгісіз әдемі қызбен ұқсастығым туралы айтатын. Уақыт өте келе Баян Мақсатқызымен салыстыру мен үшін дәстүрге айналып кетті. Үлкен қалаларға барған кезде, тіпті мені сол кісі ме екен деп шатастырып та жатады. Тағы да айтарым, менде Баян Мақсатқызымен кейбір өмірлік жағдайларым да ұқсаған кездер болған.
“Тағы да айтарым, менде Баян Мақсатқызымен кейбір өмірлік жағдайларым да ұқсаған кездер болған”.
– Өте қызық. Ол қандай жағдайлар?
– Былтыр Баян Мақсатқызымен белгілі жағдайлар болып жатқан кезде, мен де сол кісі секілді ауруханада жатып, пышаққа түстім. Баянның өмірінде қиын жағдай болып жатқан кезде, мен де белгілі бір психологиялық сынақтан өттім десем артық болмас. Осы жақтан ұқсастықтарымыз бар.
– Бірақ Баян Мақсатқызының жағдайындағыдай ер адаммен немесе жұбайыңызбен жанжал болмаған шығар?
– Жоқ, әрине ондай емес. Мен тұрмыста бақытты өмір кешудемін.
“Мен тұрмыста бақытты өмір кешудемін”.
– Соңғы сұрақ. Мына бір суретіңізде Сіз елімізде белгілі блогер, феминист Әсел Баяндароваға ұқсап тұрсыз. Осындай ой айтқан жайттар болды ма?
– Жоқ, ол туралы айтпаған.
Ақботаның Әсел Баяндароваға ұқсас суреті
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе