Шетелде адамның өмірін сақтандыру – қалыпты құбылыс. Әсіресе, америкалықтар мен еуропалықтар қызметтің бұл түрін көп пайдаланады. Ал ырым-тыйымдарды ұстанатын қазақ халқы үшін бұл тың нәрсе.
Десе де біздің елімізде де адамның өмірін сақтандыратын компанияларға жүгінетін жандар саны күн санап артып келеді. Олардың қатарында танымал жұлдыздар да бар.
Бұл туралы 31 арнаның “Айта берсін” бағдарламасында айтылды деп жазады stan.kz.
“Мен бір рет өліп, қайта тірілдім. Ол кезде өмірім сақтандырылмаған еді. Ол туралы енді ғана ойланып отырмын. Мен де өз өмірімді сақтандыратын шығармын. Негізі ондай мекемелерге ешқашан жүгінген емеспін. Біз ертең не болатынын ешқашан болжап біле алмаймыз ғой. Бірақ енді сақтандырамын”, – дейді Баян Есентаева.