Балқаш көліне балық аулауға шыққан екі жігіт жоғалып кетті
Олардың аударылған катері анықталғанымен, төрт күннен бері өздері табылатын емес. Қазір із-түзсіз кеткендерді Жамбыл мен Қарағанды облыстарының құтқарушылары жатпай-тұрмай іздестіріп жатыр.
Әу баста көлге балық аулауға 4 құрдас шыққан. Бірақ 25 жастағы жігіттер екі топқа бөлініп кетеді. Бірнеше сағаттан кейін екі азамат таныстары арқылы су көлігінің бұзылып, дәрменсіз күйде қалғаны жөнінде төтенше жағдайлар қызметіне хабар жеткізген.
Сөйтіп, өздері көп ұзамай дін аман құтқарылады. Ал олардың екі замандасынан күні бүгінге дейін еш мәлімет жоқ. Не өлі, не тірісі белгісіз. Әзірге жоғалғандардың аударылған катері мен жағалаудан біреуіне тиесілі сыртқы киімі ғана табылған. Құтқару жұмыстарына қар мен қалың мұз кедергі келтіруде. Қазір ұшты-күйлі кеткендерді тікұшақпен іздестіріп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе